بسم الله الرحمن الرحيم
السلام عليكم ورحمة الله وبركاته
نبدأ أول تدوينه بـ ادوات الرسم اللي انا استعملها شخصيا وهذي كل الادوات والتفاصيل جايه فالطريق
.
اولا : وأهم شي للرسم بالمائي هو جودة الألوان المائيه ان كانت مش فالمستوى ماراح تطلع لنا نتيجه حلوه حتى لو كنا بروفشنال فالمائي ، اللي يفرق المائي عن باقي الالوان انو كل شي لازم يكون مخصص لها الألوان بالذات عشان يطلع بالشكل المطلوب ( حتى لو كان غالي خذوه لانه ) .
في نوعيات معينه للمائي جدا مشهوره وكويسه منها : REMRAND , WISTOR AND WINTON
اللي فالصوره تحت " Remarnd "
صورة الالوان مفتوحه
" اللي عجبني فالألوان اكثر شي أنو البلته ( المكان اللي نخلط فيه الألوان ) كبير شويه وفيه مساحه للدمج وموجود فالجهتين ومستغلينه ك غطاء وهذا توفير للمساحه "
^
صورة الالوان مسكره
ثانيا : الكراسات او اللوحات اللي نستخدمها للمائي ايضا لازم تكون مخصصه! ليش؟ لان مثلا لو استعملنا اي كراس ممكن إنه " يتشقق ، يذوب ، يخلط الالوان على بعضها ، يقلص الورق ، وفالنهايه الرسمه تطلع بشعه "!
أفضل الورق الي ممكن يُستخدم للمائي هو " الفبريانو الإيطالي " وفي منه ها النوعيه ( عاليمين ) تنباع في جريرويكون محبحب شوي ، ( عاليسار ) لوحه نسميها فالجامعه " كارد بورد واتر بروف " وينباع ايضا ف جرير ويكون املس تقريبا مو محبحب مثل الكراس ونتايجه حلوه لإستخدام المائي
* تقدرو تشوفو امثله ع استعمالاته فحسابي الإنستقرام @faty_hk
ثالثا : الفرش مهم جدددا ( تحتها ألف خط ) أنها تكون مخصصه للمائي ، لما نجي نشوف الفرش الزيتيه نلقاها خشنه اكثر من المائي بينما فرش المائي انعم .
معلومه مهمه : شعر السنجاب هي افضل فرشه تناسب المائي .
طريقة حفظ الفرش :
1- إما تكون ف أكواب والشعر يكون لفوق ( اذا كان العكس راح يخترب اتجاه الشعر وماحنقدر نستعملهم )
2- إما تكون ف حافظات مصنّعه من الخيزران مثل الصوره " كنت ف كورس وطلبها لنا الاستاذ فالاسم ما اعرفه للأسف "
أسماء الفرش وإستخداماتهم :
1 - white giat wash 8069 رقمها ( 1 من جرير ) أستخدمها ك تغطيه او مسح كل اللوحه قبل البدأ بالرسم لتهيئه الكراس للألوان والماء.
2 - Squirrel and mixed hair mop 3013 رقمها ( 5 ) من جرير، استخدمها ك فرشاه اساس مثلاً : لما اجي ارسم شعر اجي اغطي كل مساحة الشعر بالبني وبعدها اجي ارسم التفاصيل ب الفرش الثانيه.
3 - Jackson's quill series 777 رقمها (2) من موقع www.jacksonsart.com طلبتها مع الالوان، ها الفرشه من افضل واجود الفرش لانها مصنوعه من شعر السنجاب ومعروف شعر السنجاب من الافضل ويستعملونه البروفشنال فالمائي عادةً، نقدر نستخدم ها الفرشه لرسم التفاصيل الكبيره شوي لان حجمها كبير مثل الشعر واوراق الشجر وظلال الوجه... الخ.
4 - Brown taklon round 1001 رقمها (12 من جرير ) استخداماتها نفس الفرشه رقم 3 ولكن تختلف ضرباتها شويه بسبب اختلاف الشعر بس ككل حلوه للإستخدام.
5 - Remrandt 110 pure red sable - royal talents رقمها ( 6 ) جت الفرشه مع باليت الالوان ، حبيتها اكثر من فرشاه رقم 4 لانها اكثر ليونه وضرباتها اجمل مثلا استخدمتها لرسم السلاسل والتطبيق ف أكاونتي الانستقرام @faty_hk
6 - Brown raklon dager 1001 رقمها ربع (1/4 من جرير ) ها الفرشه عجييبه عجييبه للزوايا واتجاهات الشعر لانها مايله وممكن نتلاعب ب الفرشه حسب اتجاه الشعر وبنقدر نتحكم ب عرض الخط على حسب مسكتنا للفرشاه ( ككل اوصي كل من يستخدم المائي ياخذها لانها تخدم ف كثييييير اشياء )
7 - Gold taklon scripct liner 1010 رقمها (2 من جرير ) استخدمها للتفاصيل الطويله مثل نهاية الشعيران ، الخطوط الطويله العفويه فالرسمات ، عن نفسي ماحبيتها كثير يمكن لاني للآن ما استخدمها وماعرفت قيمتها !
8 -Brown taklon round 1001 رقمها (0/2) وتجي مررره ضعيفه وهي من الفرش المفضله عندي لانها تفيييد جدددا فالتفاصيل وتميل على حسب مسكتنا للفرشه ، احبها ومسستحيل استغني عنها فرسمي للمائي بس اهم شي لما نجي نرجعها لمكانها تكون الشعيرات لفوق مو العكس لانها بتنعوج وتخترب.
